O LUME, de David Rubín (Demo): a loita contra os nosos demos interiores no medio da apocalipse.
22/12/2022
Poucas ocasións lembramos nas que unha obra fose tan agardada, e con razón, xa que había moito tempo que non tiñamos a oportunidade de gozar co traballo de David como autor total. No ano 2012 saía do prelo o segundo e definitivo volume de El Héroe, a súa persoal e celebrada visión dos doce traballos de Heracles, unha obra magnífica que supuxo a consolidación dunha carreira emerxente e o salto con éxito cara o esixente mercado estadounidense, mais tamén a última vez que se ocupaba de guión e debuxo nunha obra longa. Ata que chegou O Lume.
Por decisión persoal do autor a súa publicación faise directamente para o mercado nacional no canto de saír primeiro no norteamericano, e ademais faino nunha edición simultánea en castelán –da man da súa editora habitual, Astiberri- e en galego –que nos chega da nosa benquerida Demo Editorial-, algo que a converte en todo un acontecemento para a banda deseñada galega. Unha aposta chea de compromiso e voluntarismo –tanto do propio Rubín como da editora coruñesa e tamén da meirande parte das librarías especializadas galegas que colaboramos neste proxecto- que non podemos deixa de agradecer.
En O Lume David vainos presentar unha historia ambientada nun futuro próximo que cobra dimensións apocalípticas cando se anuncia a inminente colisión dun enorme meteorito de reminiscencias wagnerianas contra a Terra. Alexander Yorba, arquitecto de sona e talento, recibe a encarga de construír na Lúa unha colonia para a supervivencia dunha parte da humanidade, mais unha serie de circunstancias o van levar cara unha especie de odisea por distintas partes do mundo nunha desacougante loita contra os seus demos interiores e o desastre que se achega –tanto persoal como global-.
Con estes vimbios Rubín non constrúe unha aventura chea da acción espectacular á que nos ten afeitos, senón que emprega este escenario para proxectar moitas das inquedanzas vitais dos nosos tempos, aumentadas polas estrañas circunstancias pandémicas destes últimos anos. O Lume céntrase máis nas relacións humanas e no existencialismo, en lidiar con nós mesmos, en nos asomar aos nosos propios abismos, os individuais e os colectivos.
A través de Yorba, antiheroe magnificamente construído, David explora o sentimento de culpa que cada persoa, en maior ou menor medida, levamos dentro, a autoaceptación e a procura da redención, fainos reflexionar sobre as nosas prioridades vitais ao tempo que fai unha crítica das sociedades contemporáneas actuais e o camiño que nos marca o neoliberalismo salvaxe. Íspese nas súas páxinas cunha honestidade tan brutal que deixa pequena a expresión que acuñamos hai anos ao falar da súa obra: “un artista que se desangra en cada páxina, coma se empregase o seu propio sangue no lugar da tinta”. Porque, se cadra, estamos perante a obra máis persoal de Rubín e, en certa maneira, tamén o seu traballo máis maduro.
E non, non é un relato doado nin cómodo, non é unha lectura de evasión que estea a agardar por lectores pasivos que paseen polas súas páxinas. Pero, como ben di Fernando de Felipe no fantástico texto que asina a modo de epílogo, estamos ante unha obra necesaria.
Xa que logo motivos non nos faltan para vos recomendar este tomo monumental que David presentará e asinará este vindeiro luns 26 de decembro, a partires das 18:00 horas, na nosa libraría. Agardámosvos!!
: a loita contra os nosos demos interiores no medio da apocalipse.&p[summary]=Poucas ocasións lembramos nas que unha obra fose tan agardada, e con razón, xa que había moito tempo que non tiñamos a oportunidade de gozar co traballo de David como autor total. No ano 2012 saía do prelo o segundo e definitivo volume de El Héroe, a súa persoal e celebrada visión dos doce traballos de Heracles, unha obra magnífica que supuxo a consolidación dunha carreira emerxente e o salto con éxito cara o esixente mercado estadounidense, mais tamén a última vez que se ocupaba de guión e debuxo nunha obra longa. Ata que chegou O Lume.
Por decisión persoal do autor a súa publicación faise directamente para o mercado nacional no canto de saír primeiro no norteamericano, e ademais faino nunha edición simultánea en castelán –da man da súa editora habitual, Astiberri- e en galego –que nos chega da nosa benquerida Demo Editorial-, algo que a converte en todo un acontecemento para a banda deseñada galega. Unha aposta chea de compromiso e voluntarismo –tanto do propio Rubín como da editora coruñesa e tamén da meirande parte das librarías especializadas galegas que colaboramos neste proxecto- que non podemos deixa de agradecer.En O Lume David vainos presentar unha historia ambientada nun futuro próximo que cobra dimensións apocalípticas cando se anuncia a inminente colisión dun enorme meteorito de reminiscencias wagnerianas contra a Terra. Alexander Yorba, arquitecto de sona e talento, recibe a encarga de construír na Lúa unha colonia para a supervivencia dunha parte da humanidade, mais unha serie de circunstancias o van levar cara unha especie de odisea por distintas partes do mundo nunha desacougante loita contra os seus demos interiores e o desastre que se achega –tanto persoal como global-.Con estes vimbios Rubín non constrúe unha aventura chea da acción espectacular á que nos ten afeitos, senón que emprega este escenario para proxectar moitas das inquedanzas vitais dos nosos tempos, aumentadas polas estrañas circunstancias pandémicas destes últimos anos. O Lume céntrase máis nas relacións humanas e no existencialismo, en lidiar con nós mesmos, en nos asomar aos nosos propios abismos, os individuais e os colectivos.A través de Yorba, antiheroe magnificamente construído, David explora o sentimento de culpa que cada persoa, en maior ou menor medida, levamos dentro, a autoaceptación e a procura da redención, fainos reflexionar sobre as nosas prioridades vitais ao tempo que fai unha crítica das sociedades contemporáneas actuais e o camiño que nos marca o neoliberalismo salvaxe. Íspese nas súas páxinas cunha honestidade tan brutal que deixa pequena a expresión que acuñamos hai anos ao falar da súa obra: “un artista que se desangra en cada páxina, coma se empregase o seu propio sangue no lugar da tinta”. Porque, se cadra, estamos perante a obra máis persoal de Rubín e, en certa maneira, tamén o seu traballo máis maduro.E non, non é un relato doado nin cómodo, non é unha lectura de evasión que estea a agardar por lectores pasivos que paseen polas súas páxinas. Pero, como ben di Fernando de Felipe no fantástico texto que asina a modo de epílogo, estamos ante unha obra necesaria.Xa que logo motivos non nos faltan para vos recomendar este tomo monumental que David presentará e asinará este vindeiro luns 26 de decembro, a partires das 18:00 horas, na nosa libraría. Agardámosvos!! "Compartir en Facebook")
