Ventiladores Clyde, de Seth: a aceptación da realidade do ser

14/06/2019

Komic Librería: Ventiladores Clyde (Integral)


A publicación de Ventiladores Clyde será para nós sen dúbida o acontecemento máis salientable deste ano 2019. Abonda con fixarse un chisquiño no deseño do sitio web onde estás a ler isto para entender que Seth é un dos primeiros referentes no noso universo komiqueiro. Esta obra, impecablemente editada por Salamandra Graphic en España, foi construída e elaborada ao longo de case dúas décadas, e debemos dicir que colmou tódalas expectativas que albergábamos dende 2003, ano no cal a desaparecida editora Sins Entido publicou a primeira parte deste relato. A espera ben pagou a pena.

 

Unha mestra en apuros, sálvese quen poida, de Pilar Serrano e Jorge Campos

14/05/2019

Unha mestra en apuros


Esta semana celebramos o Día das Letras e, como vén sendo habitual dende hai uns anos, en Komic Librería sacaremos os libros á rúa para participar na Romaría dos Libros que terá lugar na Praza de Mazarelos, nun venres de festa no que estaremos moi ben acompañados. Ademais de contar coa presenza de Víctor Boullón, autor de Aleida, cidade sen alma, teremos connosco a Jorge Campos, que asinará exemplares da súa última obra: Unha mestra en apuros, sálvese quen poida.

 

Historias casi negras, de VV. AA.: dez relatos nas beiras do xénero negro

08/05/2019

Historias casi negras


Presentámosvos hoxe Historias casi negras, unha curiosa escolma que, como anuncia o seu título, reúne dez relatos que podemos situar nos límites do xénero negro. A modo de divertimento ou experimentación, catorce autores e autoras xogan cos estereotipos do estilo policial para construír historias de estilos moi diversos, tanto no gráfico como no narrativo.

 

Ether #2. Los gólems de cobre + Sherlock Frankenstein y la Legión del Mal: David Rubín on fire!

09/04/2019

Ether #2. Los gólems de cobre


Aproveitando a súa vindeira visita a Komic Librería falámosvos hoxe de dous títulos que, ademais de estar entre as obras máis salientables do cómic estadounidense dos últimos tempos, comparten o excelente traballo do ilustrador galego David Rubín, consolidado nun mercado tan esixente como é o norteamericano e requerido polos guionistas máisprestixiosos do momento (como é, por exemplo, o caso dos señores Matt Kindt e Jeff Lemire).

 

Micro Algas, el mundo oculto, de Xulia Pisón: divulgar divertindo ou divertir divulgando

18/03/2019

Micro Algas, el mundo oculto


Temos o inmenso pracer de vos falar hoxe dunha nova obra saída do maxín de Xulia Pisón, Micro Algas, el mundo oculto, un título didáctico e divulgativo que procura dar a coñecer uns microorganismos moi particulares: as micro algas. Para acadar o seu obxectivo a autora galega optou por nos presentar este fascinante e minúsculo universo a través dunha emocionante aventura onde as nosas protagonistas, personificadas nun variopinto grupo de adolescentes, loitan contra as ameazas que sofre o medio ambiente.

 

1/46