BAIXO O PANTANO, de Ángela Curro (Demo): a emocionante presentación dunha nova autora.

08/06/2022


Baixo o Pantano Portada

Coa publicación de Baixo o pantano dámoslle a benvida a Ángela Curro, unha nova autora pero non precisamente unha debutante. Formada academicamente na escola Antonio Faílde de Ourense e na Facultade pontevedresa de Belas Artes esta ilustradora e historietista acada finalmente editar unha obra longa como froito do seu talento e máis da súa perseverancia, tras varias colaboracións en distintas publicacións e unha escolma de historias curtas autoeditada (8 mentiras superreales).

 

O voo da Curuxa. Unha tarde con dona Emilia no pazo de Meirás, de Inacio e Iván Suárez

24/05/2022

O voo da curuxa

A chegada doutra obra saída do tándem que forman Inacio e Iván Suárez é sempre unha moi boa nova para a banda deseñada galega. Das mans deste dúo, que comezou a traballar conxuntamente hai máis de dez anos, xurdiron títulos tan salientables como os catro volumes arredor da figura de Castelao (Titoán, O pobre tolo, Máis alá! e Atila) ou o cómic-disco As pombas de Carboeiro. Hai escasos meses recibiamos a súa última colaboración, centrada na figura de Emilia Pardo Bazán e da que hoxe vos falamos máis polo miúdo ao tempo que vola recomendamos por ser unha lectura máis que interesante.

 

O PEXEGO MECÁNICO, de Víctor Tizón (Demo): unha imaxinativa e divertida viaxe polo Alén.

02/05/2022

alt

O certo é que o pasado verán foi toda unha sorpresa, e ben agradecida, a publicación de O pexego mecánico por parte de Demo Editorial. Sorprendente polo inclasificable e pouco habitual do seu estilo no panorama da bd galega contemporánea e porque a súa saída do prelo conlevaba o retorno de Victor Tizón, ilustrador e historietista vigués a quen atopamos na primeira liña dos fanzines e publicacións alternativas nos rebuldeiros inicios dos anos oitenta. Malia centrar a súa carreira na ilustración e no humor gráfico durante as décadas seguintes a pegada do underground da época resulta evidente nas páxinas do título que hoxe vos comentamos, un lisérxico e surrealista paseo pola fronteira infinda entre a vida e a morte.

 

Día do Libro 2022

21/04/2022

Dia do libro

SELECCIÓN DE CÓMICS PARA CELEBRAR O DÍA DO LIBRO 2022

Este vindeiro sábado 23 de abril festexamos, coma tódolos anos, a existencia do libro, o fermoso e máxico artefacto que é a razón da nosa existencia como libreiros.

Como podedes imaxinar é unha data ben sinalada e querida para nós e, como en anos anteriores, queremos compartir convosco unha pequena selección de títulos aparecidos nos últimos meses, moi axeitados para celebrar este día e entre os que podedes atopar adaptacións de obras literarias, relatos biográficos sobre autoras e autores e, por último, álbumes onde o libro ten unha relevancia especial.

De seguido vos deixamos os dez cómics que escollimos, agardando que estas suxestións vos sexan de utilidade e desexándovos un moi feliz Día do Libro. Aproveitamos para vos lembrar que durante ese día as compras de libros terán un 10% de desconto, polo que pode ser unha oportunidade estupenda para que nos fagades unha visita. Agardámosvos!

 

O DESTINO DE KAMEKO, de Abel Alves e Jorge Campos (Aira): aventuras e fantasía no Xapón do século XIX.

01/03/2022



alt


O poder de atracción da cultura xaponesa resulta innegable nestes días, onde cada vez son máis as persoas enfeitizadas por un país onde tradicións milenarias e fascinantes camiñan da man coa modernidade máis futurista.  Un engaiolamento no cal ten moito que dicir a tremenda difusión do manga e do anime, a banda deseñada e os debuxos animados xaponeses, que contan por millóns e millóns os seus seguidores nos países occidentais.  Xa que logo non é unha sorpresa que a súa influencia chegue ata a bd galega e dous dos seus nomes máis relevantes unan as súas forzas para nos presentar un estupendo relato ambientado no País do Sol Nacente do século XIX.


 

2/144