O terceiro tomo de «Solos», de Gazzotti e Vehlmann, xa dispoñible en Komic Librería

07/10/2015

Atención, atención, komiqueiras e komiqueiros! Por fin, tras unha longa espera, recibimos en Komic Librería o terceiro tomo de Solos, a serie protagonizada por un grupo de rapaces e rapazas que deben sobrevivir nun mundo sen adultos

Tras a enorme intriga e tensión argumental dos dous primeiros volumes, esta nova entrega continúa polo camiño da acción e dun altísimo ritmo narrativo, respondendo a varias das interrogantes que plantexa a historia ao tempo que crea novas preguntas. Deixámosvos, a modo de aperitivo, algunha das páxinas que poderedes atopar no Solos #3: agardamos que vos gusten!