Komic Librería propón unha selección de viñetas con consciencia obreira
30/04/2013
Celebramos mañá a festa por antonomasía do movemento obreiro, o Día Internacional dos Traballadores, e nestes tempos de crise, desemprego e perda de dereitos que custaron moito acadar pensamos que é importantísimo ser conscientes do que estamos a vivir. Dende Komic Librería propoñémosvos unha serie de títulos de banda deseñada que teñen o traballo e a defensa da clase traballadora como tema principal.
En primeiro lugar, xa que é o título máis recente, nomearemos a obra de Baru Los años Sputnik (Astiberri), xa comentada na nosa páxina web e onde o autor, un dos pioneiros no eido do cómic social, reproduce a vida nun barrio obreiro do nordés de Francia aló polos anos 50.
Esta convulsa época, xusto despois da Segunda Guerra Mundial, con Europa a reconstruirse tanto física como socialmente, é tamén o escenario de Ha muerto un hombre (Ponent Mon), unha obra de Étienne Davodeau en colaboración co seu irmán Kris que, malia non estar dispoñible nestes intres, consideramos que merece formar parte desta pequena lista pola documentada e emotiva recreación que fai dunha historia real: a morte dun sindicalista en Brest a mans da policía no transcurso dunha manifestación prohibida de xeito ilegal. Do mesmo autor salientamos así mesmo La mala gente (Ponent Mon), un magnífico documento gráfico sobre os sindicatos franceses nos anos 1960, onde estaban moi implicados os pais do propio Davodeau.
Outros exemplos que reivindican as durísimas condicións nas que se traballaba non hai moito, e cara as que semella que volvemos, e a conseguinte loita na procura de maior xustiza e dignidade son Puta fábrica (La oveja roja), de Jean-Pierre Levaray e Efix, a dura e descarnada crónica da situación dos obreiros dunha fábrica a piques de pechar, e, coma non, debemos falar tamén da obra máis vendida na historia de Komic Librería: Los maestros cerveceros (Planeta). Nesta saga, na que Van Hamme e Vallès relatan cento cincuenta anos de historia no seo dunha familia de cervexeiros belgas, ten especial importancia a evolución da consciencia obreira dos seus traballadores.
De xeito máis actual salientamos varias obras que fan fincapé na necesidade e/ou posibilidade de reinventarse, como en La gente honrada (de Gibrat e Durieux, Norma), onde Philippe muda a súa vida por completo tras ser despedido aos 53 anos, ou Entretelas (La Cúpula), na que Rubén del Rincón conta a historia do seu pai e os seus compañeiros, que decidiron tomar as rendas da empresa textil na que traballaban cando esta pechou as súas portas.
Dunha maneira máis coral e variada tamén é este o argumento de Andando (Norma), unha novela gráfica social obra de Carreres, Torres e Diego.
Por último destacamos tres obras que reflicten as condición laborais dos autores de banda deseñada, como son El invierno del dibujante de Paco Roca (Astiberri), Los profesionales de Carlos Giménez (Random House Mondadori) e Un zoo en invierno de Jiro Taniguchi (Ponent Mon). Se os dous primeiros títulos mostran aos autores españois a finais dos anos cincuenta e nos anos sesenta, respectivamente, o terceiro son as lembranzas autobiográficas do noso querido autor xaponés e o comezo do seu traballo como mangaka.
Agardamos que vos resulte de interese esta breve selección e, sobre todo, que saibamos valorar e defender o que tanto custou conseguir e que non perdamos a nosa dignidade como clase traballadora. Unha aperta enorme para tod@s!
, xa comentada na nosa páxina web e onde o autor, un dos pioneiros no eido do cómic social, reproduce a vida nun barrio obreiro do nordés de Francia aló polos anos 50.Esta convulsa época, xusto despois da Segunda Guerra Mundial, con Europa a reconstruirse tanto física como socialmente, é tamén o escenario de Ha muerto un hombre (Ponent Mon), unha obra de Étienne Davodeau en colaboración co seu irmán Kris que, malia non estar dispoñible nestes intres, consideramos que merece formar parte desta pequena lista pola documentada e emotiva recreación que fai dunha historia real: a morte dun sindicalista en Brest a mans da policía no transcurso dunha manifestación prohibida de xeito ilegal. Do mesmo autor salientamos así mesmo La mala gente (Ponent Mon), un magnífico documento gráfico sobre os sindicatos franceses nos anos 1960, onde estaban moi implicados os pais do propio Davodeau.Outros exemplos que reivindican as durísimas condicións nas que se traballaba non hai moito, e cara as que semella que volvemos, e a conseguinte loita na procura de maior xustiza e dignidade son Puta fábrica (La oveja roja), de Jean-Pierre Levaray e Efix, a dura e descarnada crónica da situación dos obreiros dunha fábrica a piques de pechar, e, coma non, debemos falar tamén da obra máis vendida na historia de Komic Librería: Los maestros cerveceros (Planeta). Nesta saga, na que Van Hamme e Vallès relatan cento cincuenta anos de historia no seo dunha familia de cervexeiros belgas, ten especial importancia a evolución da consciencia obreira dos seus traballadores. De xeito máis actual salientamos varias obras que fan fincapé na necesidade e/ou posibilidade de reinventarse, como en La gente honrada (de Gibrat e Durieux, Norma), onde Philippe muda a súa vida por completo tras ser despedido aos 53 anos, ou Entretelas (La Cúpula), na que Rubén del Rincón conta a historia do seu pai e os seus compañeiros, que decidiron tomar as rendas da empresa textil na que traballaban cando esta pechou as súas portas.Dunha maneira máis coral e variada tamén é este o argumento de Andando (Norma), unha novela gráfica social obra de Carreres, Torres e Diego.Por último destacamos tres obras que reflicten as condición laborais dos autores de banda deseñada, como son El invierno del dibujante de Paco Roca (Astiberri), Los profesionales de Carlos Giménez (Random House Mondadori) e Un zoo en invierno de Jiro Taniguchi (Ponent Mon). Se os dous primeiros títulos mostran aos autores españois a finais dos anos cincuenta e nos anos sesenta, respectivamente, o terceiro son as lembranzas autobiográficas do noso querido autor xaponés e o comezo do seu traballo como mangaka.Agardamos que vos resulte de interese esta breve selección e, sobre todo, que saibamos valorar e defender o que tanto custou conseguir e que non perdamos a nosa dignidade como clase traballadora. Unha aperta enorme para tod@s! "Compartir en Facebook")
