Ether #2. Los gólems de cobre + Sherlock Frankenstein y la Legión del Mal: David Rubín on fire!
09/04/2019
Aproveitando a súa vindeira visita a Komic Librería falámosvos hoxe de dous títulos que, ademais de estar entre as obras máis salientables do cómic estadounidense dos últimos tempos, comparten o excelente traballo do ilustrador galego David Rubín, consolidado nun mercado tan esixente como é o norteamericano e requerido polos guionistas máisprestixiosos do momento (como é, por exemplo, o caso dos señores Matt Kindt e Jeff Lemire).
Por unha banda temos a segunda entrega da serie Ether, un emocionante relato de aventuras fantásticas nunha dimensión máxica que mestura acción e intriga ao seguir os pasos de Boone Dias, un intrépido explorador dese outro mundo. Se o seu primeiro arco argumental, La muerte de la última Llama Dorada (aquí podedes ler o que sobre ela comentamos no seu momento) servía de excelente presentación e deixábanos cunhas ganas enormes de saber máis sobre o Ehter, esa dimensión alternativa, a lectura deste segundo ciclo multiplica esas ganas.
En Los gólems de cobre os portais que existen entre a Terra e este mundo máxico comezan a se multiplicar poñendo en perigo a existencia dos dous universos, polo que o noso aventureiro protagonista, acompañado de Glum —o gardián do Ether—, Violeta —unha fada vella coñecida de Boone— e Grandor, un feiticeiro con cabeza de touro, partirá nunha viaxe chea de perigos e dificultades.
Se hai algo que transmiten as páxinas de Ether, ademais desas ganas de seguir a coñecer as aventuras de Boone Dias das que vos falabamos antes, é o moito que os seus autores se divirten descubríndonos aos poucos as claves do seu relato, como se nos estiveran a preparar para algo aínda máis grande. Deste xeito coñecemos máis detalles da tráxica historia do seu personaxe principal e observamos como os eixos narrativos, tanto do primeiro arco como deste segundo, forman parte dunha conspiración maior.
E reafirmámonos en practicamente todo o que comentamos do seu primeiro volumen: Ether é unha serie de aventuras fantásticas moi recomendable para todo tipo de lectores e lectoras, onde, ao mesmo tempo que descubrimos un abraiante mundo máxico podemos gozar co espectacular debuxo de Rubín. Agradecemos tamén a, de novo, coidada edición a cargo de Astiberri, con interesantes extras sobre o seu traballo creativo e a compilación das portadas alternativas de cada capítulo, asinadas por nomes tan importantes como Paul Pope, Bill Sienkiewicz ou Michael Allred.
Cómpre falar tamén doutra serie, neste caso aparecida xa hai uns meses en castelán, que conta co talento de David na súa parte gráfica. E non é outra que Sherlock Frankenstein y la Legión del Mal, unha historia que afonda nun dos principais inimigos dos superheroes de Black Hammer, a colección coa cal o canadense Jeff Lemire está a dar unha interesante reviravolta ao xénero superheroico.
Xa que logo recomendámosvos estas dúas series convencidos de que vos van encantar, e lembrámosvos que este vindeiro venres 12 de abril contaremos en Komic Librería coa presenza de David Rubín, que asinará exemplares a partires das 18:00 horas. Agardamos contar convosco: non volo perdades!
Ether #2. Los gólems de cobre
David Rubín / Matt Kindt
Astiberri
Tomos: 1
Sherlock Frankenstein y la Legión del Mal
David Rubín / Jeff Lemire
Astiberri
Tomos: 1
.
Por unha banda temos a segunda entrega da serie Ether, un emocionante relato de aventuras fantásticas nunha dimensión máxica que mestura acción e intriga ao seguir os pasos de Boone Dias, un intrépido explorador dese outro mundo. Se o seu primeiro arco argumental, La muerte de la última Llama Dorada (aquí podedes ler o que sobre ela comentamos no seu momento) servía de excelente presentación e deixábanos cunhas ganas enormes de saber máis sobre o Ehter, esa dimensión alternativa, a lectura deste segundo ciclo multiplica esas ganas.En Los gólems de cobre os portais que existen entre a Terra e este mundo máxico comezan a se multiplicar poñendo en perigo a existencia dos dous universos, polo que o noso aventureiro protagonista, acompañado de Glum —o gardián do Ether—, Violeta —unha fada vella coñecida de Boone— e Grandor, un feiticeiro con cabeza de touro, partirá nunha viaxe chea de perigos e dificultades.Se hai algo que transmiten as páxinas de Ether, ademais desas ganas de seguir a coñecer as aventuras de Boone Dias das que vos falabamos antes, é o moito que os seus autores se divirten descubríndonos aos poucos as claves do seu relato, como se nos estiveran a preparar para algo aínda máis grande. Deste xeito coñecemos máis detalles da tráxica historia do seu personaxe principal e observamos como os eixos narrativos, tanto do primeiro arco como deste segundo, forman parte dunha conspiración maior.E reafirmámonos en practicamente todo o que comentamos do seu primeiro volumen: Ether é unha serie de aventuras fantásticas moi recomendable para todo tipo de lectores e lectoras, onde, ao mesmo tempo que descubrimos un abraiante mundo máxico podemos gozar co espectacular debuxo de Rubín. Agradecemos tamén a, de novo, coidada edición a cargo de Astiberri, con interesantes extras sobre o seu traballo creativo e a compilación das portadas alternativas de cada capítulo, asinadas por nomes tan importantes como Paul Pope, Bill Sienkiewicz ou Michael Allred.Cómpre falar tamén doutra serie, neste caso aparecida xa hai uns meses en castelán, que conta co talento de David na súa parte gráfica. E non é outra que Sherlock Frankenstein y la Legión del Mal, unha historia que afonda nun dos principais inimigos dos superheroes de Black Hammer, a colección coa cal o canadense Jeff Lemire está a dar unha interesante reviravolta ao xénero superheroico. Xa que logo recomendámosvos estas dúas series convencidos de que vos van encantar, e lembrámosvos que este vindeiro venres 12 de abril contaremos en Komic Librería coa presenza de David Rubín, que asinará exemplares a partires das 18:00 horas. Agardamos contar convosco: non volo perdades!Ether #2. Los gólems de cobreDavid Rubín / Matt KindtAstiberriTomos: 1Sherlock Frankenstein y la Legión del MalDavid Rubín / Jeff LemireAstiberriTomos: 1 "Compartir en Facebook")
