El botones de verde caqui, de Olivier Schwartz e Yann: desexando non volver a vestir de verde
16/02/2015
Cunha aventura bélica chea de acción, un ritmo trepidante apoiado nun dinámico debuxo de espectacular liña clara e unha ambientación realista na Segunda Guerra Mundial retorna un dos personaxes máis carismáticos da bd franco-belga, Spirou, no primeiro volume que edita Dibbuks sobre esta icona que, malia ter case oitenta anos, conserva o mesmo espírito mozo, aventureiro e divertido ca sempre.
A editorial Dibbuks fíxose cos dereitos de publicación das aventuras de Spirou en castelán. É unha moi boa nova que contribuirá a aumentar a popularidade deste clásico europeo entre as xeracións de lectores novos e que nos permitirá a todos ler as máis recetnes aventuras deste intrépido botóns aínda inéditas en España.
O título elixido pola editorial madrileña para comezar esta nova etapa é un álbum independente que pertence á colección «Unha aventura de Spirou por...», na que distintos autores realizan historias autoconclusivas sobre o personaxe. Esta aventura independente, creada polo debuxante Olivier Schwartz e o guionista Yann, está ambientada na Bruxelas ocupada (1942) e titúlase El botones de verde caqui.
O Hotel Moustic, lugar de traballo e residencia de Spirou, foi requisada pola Gestapo e convertido no cuartel xeral nazi. Obrigado a traballar para os invasores alemáns, o noso protagonista saberá sacar proveito desta proximidade imposta e exercerá de excepcional informador para a Resistencia.
Resulta inevitable lembrar a obra mestra que Émile Bravo realizou sobre este personaxe, Diario de un ingenuo, tanto polo estilo gráfico e a ambientación como polas múltiples referencias a outro personaxes e autores universais. A delicada exposición destes elementos na obra de Bravo funciona dentro do contexto narrativo como un divertido xogo subliminal. En El botones de verde caqui son tan numerosas e explícitas que pasan a entenderse máis como curiosidades humorísticas. Non é este o lugar para nos referir a elas, pero como consideramos que merecen unha mención aparte publicaremos nos vindeiros días unha detallada guía de lectura para consultar unha vez lida a obra coa intención de non deixarnos ningunha no tinteiro.
Xa que logo estamos ante unha obra que vos recomendamos coa seguridade de que ides gustar dela, tanto se xa coñecedes a Spirou como se é a vosa primeira visita ás súas aventuras.
El botones de verde caqui
Olivier Schwartz / Yann
Dibbuks
Tomos: 1
 e titúlase El botones de verde caqui.O Hotel Moustic, lugar de traballo e residencia de Spirou, foi requisada pola Gestapo e convertido no cuartel xeral nazi. Obrigado a traballar para os invasores alemáns, o noso protagonista saberá sacar proveito desta proximidade imposta e exercerá de excepcional informador para a Resistencia.Resulta inevitable lembrar a obra mestra que Émile Bravo realizou sobre este personaxe, Diario de un ingenuo, tanto polo estilo gráfico e a ambientación como polas múltiples referencias a outro personaxes e autores universais. A delicada exposición destes elementos na obra de Bravo funciona dentro do contexto narrativo como un divertido xogo subliminal. En El botones de verde caqui son tan numerosas e explícitas que pasan a entenderse máis como curiosidades humorísticas. Non é este o lugar para nos referir a elas, pero como consideramos que merecen unha mención aparte publicaremos nos vindeiros días unha detallada guía de lectura para consultar unha vez lida a obra coa intención de non deixarnos ningunha no tinteiro.Xa que logo estamos ante unha obra que vos recomendamos coa seguridade de que ides gustar dela, tanto se xa coñecedes a Spirou como se é a vosa primeira visita ás súas aventuras.El botones de verde caquiOlivier Schwartz / YannDibbuksTomos: 1 "Compartir en Facebook")
