A páxina web de Komic Librería, www.komic.es, cumpre o seu primeiro ano de andaina

Komic Librería: Primeiro Aniversario de Komic.es


Existen poucas sensacións máis incribles que a de botar a vista atrás e comprobar a de cousas que poden chegar a suceder en 365 días. Hai un ano, por estas datas -o 27 de xullo de 2012, concretamente-, presentabámosvos a nosa páxina web www.komic.es, coa que aspirabamos a manter un contacto máis directo con todos vós, komiqueiros habituais, e tamén con todos os afeccionados ao cómic en xeral.

Un ano despois podemos afirmar que, grazas á vosa resposta, as nosas aspiracións se viron sobradamente cumpridas. Cada visita que recibimos na nosa páxina anímanos a poñer máis empeño nela, co obxectivo de seguir compartindo con vós lecturas interesantes e información actualizada e de interese.

Para celebrar esta efeméride, dende Komic Librería invitámosvos a recordar os principais eventos dos que www.komic.es foi testemuña dende a súa aparición, un bo puñado de presentacións con autores de referencia, actos e lanzamentos editoriais dos que nos sentimos moi orgullosos:


Komic Librería celebra
o seu veinticinco aniversario

25 Aniversario de Komic Librería

Nesta entrevista publicada en ABC.es, Pío Barreiro repasaba a historia de Komic Librería, a primeira libraría especializada en cómics de Galicia.


David Rubín e José Domingo, mestres de cerimonias
no 25 Aniversario de Komic Librería

25 Aniversario de Komic Librería

David Rubín e José Domingo presentaron a festa concerto que puxo o broche de ouro aos actos de celebración do 25 Aniversario de Komic Librería:

David Rubín e José Domingo, mestres de cerimonias no 25 Aniversario de Komic Librería

Podedes ver máis vídeos deste concerto en BandaAparteTV, a canle en YouTube de Banda Aparte.


04/05/2012

Castelao. O pobre tolo:
Primeira iniciativa editorial de Komic Librería

Castelao. O pobre tolo

Komic Librería estreouse na edición de cómics con O pobre tolo, de Inacio Vilariño e Iván Suárez, primeiro volume da Colección Castelao.


09/08/2012

Lanzamento de Titoán,
a orixe dun gran proxecto dedicado a Castelao

Castelao. Titoán

Máis dun ano despois de impoñerse no Premio Castelao de Banda Deseñada 2011, Titoán vía a luz da man de Demo Editorial e a Deputación da Coruña, co apoio incondicional de Komic Librería.


10/08/2012

Presentación de Titoán
en Viñetas desde o Atlántico 2012

Presentación de Titoán en Viñetas desde o Atlántico 2012

Komic Librería estreou YouKomic, a súa canle en Youtube, con esta vídeo-presentación de Titoán no salón Viñetas desde o Atlántico 2012:

Titoán: vídeo-presentación en Viñetas desde o Atlántico 
2012


28/09/2012

Álvaro López e Luis Sendón presentan
Sálpock. O Val dos Cegos

Komic Librería: Presentación de Sálpock. O Val dos Cegos

Álvaro López e Luis Sendón repasaron a orixe e posterior desenvolvemento da idea do seu Sálpock. O Val dos Cegos:

Sálpock. O Val dos Cegos: vídeo-presentación de Álvaro López e Luis Sendón en Komic Librería


16/11/2012

Inacio Vilariño, Iván Suárez e Manel Cráneo presentan
Titoán, segundo volume da Colección Castelao

Komic Librería: Presentación de Titoán

Inacio Vilariño e Manel Cráneo faláronnos das fontes de inspiración da Colección Castelao, e tamén dalgunhas das liñas mestras do que sería o seu terceiro volume, Máis alá!:

Titoán: vídeo-presentación de Inacio Vilariño, Iván 
Suárez e Manel Cráneo en Komic Librería


11/12/2012

David Rubín presenta
El Héroe. Libro Dos

Komic Librería: Presentación de El Héroe. Libro Dos

David Rubín revelounos un dos obxectivos que perseguía ao enfrontarse ás doce probas de Heracles: demostrar que non importa o número de veces que se conte unha historia, senón como se conta esa historia para volver darlle vida:

El Héroe. Libro Dos: vídeo-presentación de David Rubín en Komic Librería


18/01/2013

Manel Cráneo presenta Cousas de mortos,
Os Lobos de Moeche e A Torre dos Mouros

Komic Librería: Presentación de Cousas de mortos

Manel Cráneo reflexionou sobre algúns dos aspectos máis definitorios dos tres cómics presentados en Komic Librería:

Cousas de mortos: vídeo-presentación de Manel Cráneo en Komic Librería


08/02/2013

Miguelanxo Prado presenta
Ardalén

Komic Librería: Presentación de Ardalén

Miguelanxo Prado relatounos o proceso creativo que adoita conducilo dunha primeira idea seminal ao guión e, de aquí, á obra final:

Ardalén: vídeo-presentación de Miguelanxo Prado en Komic 
Librería


01/03/2013

Mariano Casas presenta
El Club del Miedo

Komic Librería: Presentación de El Club del Miedo

Mariano Casas sacou á luz as interioridades da súa obra e da súa forma de traballar, como por exemplo a orixe das ideas que inspiran as súas historias:

El Club del Miedo: vídeo-presentación de Mariano Casas en Komic Librería


22/03/2013

Miguel Fernández presenta
Os días do cometa

Komic Librería: Presentación de Os días do cometa

Miguel Fernández falounos das claves narrativas e estilísticas de Os días do cometa:

Os días do cometa: vídeo-presentación de Miguel Fernández en Komic Librería


20/04/2013

Komic Librería recibe o
Premio Irmandade do Libro 

komic-libreria-premio-irmandade-do-libro-2013

Komic Librería converteuse na primeira libraría especializada en cómics galardoada co Premio Irmandade do Libro. Durante o acto de entrega, Pío Barreiro transmitiu un especial agradecemento cara á súa clientela, porque "nos fai posible seguir traballando":

Komic Librería — Premio Irmandade do Libro 2013


13/05/2013

Lanzamiento de Máis alá!,
terceira entrega da Colección Castelao

Komic Librería: Castelao. Máis alá!

Komic Librería anunciou a publicación de Máis alá!, terceiro tomo da Colección Castelao, coa que se involucrou dende a propia xestación do proxecto.


15/05/2013

Inacio Vilariño e Iván Suárez presentan
Máis alá!

Komic Librería: Presentación de Máis alá!

Inacio Vilariño e Iván Suárez analizaron as claves narrativas e estilísticas de Máis alá!, e avanzaron algunhas liñas mestras da que será a cuarta entrega da Colección Castelao, provisionalmente titulada Valentín:

Máis alá!: vídeo-presentación de Inacio e Iván Suárez en Komic Librería


27/06/2013

Jacobo Fernández Serrano presenta
Marcopola 2: Os piratas da lúa

Komic Librería: Presentación de Os piratas da Lúa

Jacobo Fernández Serrano desvelou algunhas das aventuras e novos personaxes que agardan ao lector nas páxinas de Os piratas da lúa:

Os piratas da lúa: vídeo-presentación de Jacobo Fernández Serrano en Komic Librería

O autor tamén aproveitou para falarnos doutro dos seus grandes traballos, Lois Pereiro. Breve encuentro:

Lois Pereiro. Breve encontro: análise de Jacobo Fernández Serrano en Komic Librería


E ademais de todo isto, ao longo do último ano engrosaron www.komic.es unha longa serie de noticias, reseñas de cómics, resumos de novidades editoriais, artigos de merchandising e listaxes de lecturas recomendadas.

Esperamos que gozásedes deste paseo: moitas grazas a todos os que nos visitades e seguides, esteades onde esteades. Faremos todo o posible para seguir contando convosco.